الدستور اولا.. هي بالدراع يعني ؟؟

مبدأئيا انا مش هقول انا قولت لأ ولا نعم في الاستفتاء دا شئ يخصني انا بس و مش لازم عشان تكلم عن حاجة عشان تثبت عدم تحيزك للمصلحتك تقول العكس,بس انا عندي اسئلة بلا حدود للجماعة بتوع الدستور اولا دول,مبدأئيا كدا اسم الحملة مستفز جدا ويوصل لاي حد يسمعه انها تهديد يأما دستور اولا يأما نقلب الترابيزة ومفيش لعب
اول سؤال للجماعة الدستور اولا
مين اللي هيكتب الدستور دا ؟؟ لو لجنة معينة يبقي انتو كدا بتهرجو احنا مش هنرضي بأي لجنة معينة تفرض رأيها علي الشعب حتي لو ممثلة لكل القوي سياسية لأن ببساطة كدا مصالح القوي سياسية لا تمثل مصالحنا بدليل ان محدش فيهم اكلم عن محاكمات العسكرية ولا عن قتلة الشهداء ولا عن حقوق مصابين الثورة ولا حد منهم وقف جنب اضرابات العمال المشروعة بالعكس كتير منهم تبرع برأيه هجوما عليها ووصفها بالفئوية
ثانيا : احنا مش طلع مييتين ابونا عشان الحرية والديموقراطية اللي بتنادو بيها من سنين لما الاغلبية تقول حاجة وانتو تحاولو تنقلبو عليها بحجج من نوعية ان اضحك عليهم باستقطابات دينية او انهم ملحقوش يفهمو تعديلات ,لو افترضنا ان اختياركو صح واختيار الاغلبية غلط هي ديموقراطية الرأي الاصح ولا رأي الاغلبية لو انت شايفين ان رأي الاغلبية غلط عادي حقكو وحقكو تكلمو عن دا لكن مش من حقكو ابدا تفرضه رأيكو عليها لات الاصل في الديموقراطية ان الاغلبية بتختار والاغلبية بتتحمل مسئولية اختياراتها.
ثالثا: قعدنا سنين نبكي وننتحب عدم مشاركة الجماهير في العمل السياسي وان مشاركتهم واهتمامهم هتقضي علي فساد كتير ولما ناس تنزل وتشارك وتبقي منتشية بأ] انها صوتها اصبح رقم في معادلة سياسية وشعرو ان بلد بلدهم,تيجي حضرتك وتغير كلامهم عشان مش عاجبك يبقي ناس دي لما تفكس وتقول حوارات سياسة دي مصالح كلها واحنا مبناخدش حاجة منها عندهم حق .
رابعا: ايه الاليات الي هتشكلو بيها الجمعية التأسيسية للكتابة الدستور لو اليات انتخابية طب ما هي هي ممكن التيار الاسالامي اللي انتو خايفين منه برده يسيطر علي الجمعية التأسيسة بنفس منطق خوفكو من الانتخابات.
اخيرا بقي انا عايز اقولهم شعب مش هيختار حد بيستعلي عليه و مش واثق فييه ,حرام عليكم بجد باللي بتعملوه دا هتفشخولنا الثورة وستصبح غنيمة تتعاركو عليها مع الاسلاميين .

العمال دائما بيشيلو الليلة

بعد اقالة احمد شفيق وتعين عصام شرف كرئيس حكومة الكثير من الناس اطمأنت انها ستكون حكومة تعبر عن الثورة و بعد نزوله التحرير وسط الجموع الحاشدة التي انتشت بنشوة الانتصا ر علي بواقي نظام باسقاط حكومة النظام ومجئ واحد من وسطهم من الذين شاركو في اعتصام التحرير المستمر للمدة 18 يوم و الاعتقاد بأن هذه سوف تكون حكومة الثورة التي ستنفذ مطالب الثورة وتساعد علي هدم النظام القديم.

 توهمنا في بادئ الأمرانها حكومة الثورةالتي ستساعدنا علي بناء قواعد نظيفة للتأسيس جمهوريتنا الجديدة لكن كل الافعال والمؤشرات لم تدل علي ذلك من بداية تولي عصام شرف للسلطة, بنظرة علي تشكيل حكومة شرف فالوجوه المقبولة الي حد ما في تلك الحكومة لانها اتت من خارج عبأة الحزب هي الوجوه الموجودة اساسا منذ تولي شفيق للسلطة وكان سبب جلبتها هو تجميل شكل الحكومة والايحاْء بأنها حكومة اجماع وطني اما باقي الوجوه هي خارجة من رحم لجنة السياسات من نوعية سيد مشعل وفايزةابو النجا.

كان هنالك كثير من المطالب المطلوبة من حكومة شرف حين تولت السلطة وهي تطهير الاعلام و محاكمة قتلة الشهداءواعادة هيكلة الداخلية وتطهيرها و القضاء علي الانفلات الأمني ومحاكمة اباطرة النظام السابقو هدم شبكة وعصابة الحزب الوطني ويأتي علي رأس تلك المطالب مطالب اجتماعية علي رأس تلك المطالب حد ادني لاجور عادل 1200 جنيه الذي صدر به حكم واجب التنفيذ.

لو نظرنا لاي تقدم و لو طفيف في اي من المواضيع السابقة فهو لم يأت من حكومة شرف ولكنه جاء من الضغط الشعبي الحاشد في مليونات يوم الجمعة لولا المليونات ماكان احد من اصغر حرامي حتي مبارك ذاته اتقدم للتحقيق لولا المليونات ما كان حصل تطهير للاعلام وان كان في حقيقة الامرحدث بشكل صوري تغيرت الوجوه والسياسة الاعلامية واحدة اذن شرف وحكومته لم ينفذو شي من مطالب الشارع والثورة .
بالنظر للموضوع الداخلية فحكومة شرف لم تنجز شي علي الاطلاق بالعكس فرجال الداخلية من ظباط وامناء وضعهم ماديا  افضل من وضعهم  قبل الثورة نظمو بعض الاحتجاجات البسيطة وعلي الفور استجيب للمطالبهم وزادت الرواتب وقلت ساعات عمل  واصبحو لايتواجدون في شارع بشكل مقصود للزيادة الانفلات و عندما نزلو للشارع عادو للممارسة هوايتهم القديمة سحل شعب واي احد من المواطنين يرفض الاهانة فالموضوع سهل سحبه علي قسم وسحله وتعذيبه والاعلام سيتكفل بالتهليل وتطبيل والادعاء ان  المواطنون هم من ضربوه لاهانته للشرطة و ينطلقون علينا في الاعلام بخراء من نوعية هيبة الشرطة وظلم المجتمع للشرطة والتربص بالشرطة.

لم تستطع حكومة شرف عمل اي شئ من اجل مطالب الشارع والثورة الشئ الوحيد اللي فعلوه  اصدار قانون مذري و مخزي ومنكس للتجريم الاعتصامات والاضرابات, بدون لف ودوران اصدار هذا القانون موجه بالاساس لكسر و قصم الحركة العمالية المتصاعدة من قبل الثورة بالاساس فالقانون مضحك وصيغته مطاطة ولكن الحركة العمالية كسرت هذا القانون باضرابتها واحتجاجتها المتواصلة.
الاضراب والاعتصام حق مكفول لاي بني ادم لايملك غير قوته ليعمل بها و حق مشروع من اجل ايجاد اجر ادمي يكفل له الحياة هو اسرته فانا اتحدي شرف ومستشاريه واعلامه بشقيه(الحكومي والمستقل نص نص) ان يأتي لنا بعامل من المشاركون في الاعتصامات اجره يتعدي بعض المئات القليلة من الجنيهات, العامل لايضرب للرفاهية ,العامل يضرب لانه يصرخ من الحياة وقسوتها العامل يضرب لانه لايجد قوت يومه و في نفس الوقت يجد في مؤسسته اشخاص يأخذون مئات الالاف واحيانا ملايين لو كلف شرف نفسه بمتابعة اي اعتصام لوجد ان العمال لايرفعو سوي مطلبين الحق في حياة كريمة واقالة الفاسدين,ببساطة  يعني العمال هم المستمرين في الثورة العمال يريدون تطهير مؤسساتهم ,العمال هم الاكثر ادراكا مننا جميعا بالثورة ومعناها ولذلك هم من يطبقوها في عملهم الثورة قامت من اجل الظلم الاجتماعي و الفساد والعمال يضربون من اجل مقاومة هذين الشييئين و يأتي بعض ذلك مثقف او سياسي لم يري المترو منذ عشرين عام و يستهجن الاضرابات قائلا ان هذا وقت البناء قمة الهراء والخراء كيف تقول انه وقت البناء وتطالب البنائين بالصمت لانه حان البناء كيف سيتم البناء بدونهم و كيف تطلب من بني ادم ان يبني هو لا يجد قوت يومه وانك سوف تري مطالبه الفئوية الغير المسئولة من وجهة نظرك في وقت اخر ؟؟؟.
و نأتي الاعلام الذي لم يكف ولم يمل من ممارسة الدعارة الاعلامية ونعت الاضرابات و اعتصامات العمال ونعتها بالفئوية وانها انتهازية وفي غير وقتها وان الأن ليس وقت اضراب وانما الثورة قامت من اجل اشياء اكبر واعمق من نوعية الحريات السياسية والديموقراطية السياسية ؟!!
لولا هولاء العمال وامثالهم من المطحونين و انتفاضهم ضد جهاز الشرطة يوم 28 يناير ماكانت لتنجح الثورة لولا هولاء العمال واضراباتهم الشاملة منذ 7 فبراير ماكانت لنجحت الثورة و لظل الاعتصام في التحرير لايشكل ضغط كبير.
قرار شفيق بعودة جميع الاعمال للعملها بداية منذ الاحد السابق للتنحي كان هدفه الاساسي كسر شوكةمظاهرات واحتجاجات واعتصامات ميادين  التحرير وتقليل من اهميتها و لولا بطولة العمال واضرابهم لفشل الاعتصام في الاستمرار وفشل في هدفه في تنحية مبارك.

اخير سؤال الذي يطرح نفسه بقوة لماذا لايتم استخدام القوة الغاشمة الا في فض الاضرابات والاعتصامات
مثل اعتصام عمال بتروجيت واعتقال 5 منهم واعتصام فلاحيين امام رئاسة الوزراء وتم ضربهم و اعتقال 10 منهم ؟؟؟؟لماذا لانري تلك القوي مفرطة  غير في وجه العمال بينما البلطجية يرتعون في الشوارع بدون خوف من احد ؟؟
الاجابة ان المجلس العسكري يعرف قوة  نضال الحركة العمالية وانها تأتي في قلب ثورة وبدونها تتحول الثورة للبعض الاصلاحات السياسية التي تغير في شكل النظام لا مضمونه

العسكر للاسف يعرفون قوة النضال العمالي اكثر من جميع القوي السياسية لذلك يتم سحق اضرابات العمال وفضها بالقوة و هجوم عليها اعلامييا

 بينما تهتم القوي سياسية بمواضيع اخري تماما لاتأتي في قلب الثورة لا تمس اهم مطالب الثورة وهي 
عيش -حرية - عدالة اجتماعية.
ويتنازعون علي الدستور والانتخابات الليبراليين متمسكيين بدستور اولا خشية من برلمان يسطر عليه الاسلاميين ويعصفون بالحريات.
الاسلاميين يرو انها فرصة تاريخية للصعود حاليا في ظل ان باقي قوي مدنية مازالت تحبو وتشكل تنظيماتها ويجب استغلالها للسيطرة و ان يصبحو رقم صعب في المعادلة السياسية.

احب ان اوجه رسالة للطرفيين انظرو ماذا حدث بعد كسر الحركة العمالية في بداية الخمسينات باعدام البقري وخميس لتعلمو ان الحركة العمالية هي الدرع الواقي والقلب النابض و الصلب للثورة.

عاش كفاح العمال .

25 يناير 2012

سؤال سألهولي واحد صاحبي من كام يوم"تفتكر 25 يناير 2012 دنيا هتبقي عاملة ازاي " وسأله وهو متأكد انه مش هيلاقي اجابة واضحة وصريحة ,انا اول ما سمعت السؤال شعرت انه مسطح واجابته سهلة وجاهزة لكن تفكيرة لعدة ثواني تقترب من دقيقة ,اكتشقت مدي هبلي و سذاجتي في انطباعي المبدئي عن السؤال دا,مبدأئيا كدا من يوم 25 يناير  بقت قدرة البني ادم علي التوقع لا تتعدي يوم واحد بأي حال كل يوم دنيا بحال و ثورة في منحنيات وبلالاين من مجلس عسكري من عينة الافراج عن زكريا عزمي
و لعبة زوالني و ازوالك مرة سلفيين ومرة اقتصاد بيقع ومرة يقولك تقسيم مصر للثلاث دويلات ,مهم انه بقي صعب جدا توقع ايه اللي هيحصل بكرة.
من بعد يوم 27 مايو اللي وصل للمجلس العسكؤي رسالة صريحة انه لايوجد من يمثلنا كقوي ثورية غير الشارع والميدان ,من بعد الجمعة دي حاصل انخفاض للوتيرة الثورة بقيت حاسس ان مؤشرات الانقضاض علي الثورة شرسة جدا ومخيفة في ظل خمود البركان الثوري,يعني بداية من بيانات مجلس الغسكري للائتلافات الشباب ا للحوار(الشارع الثوري غير عاجبه ادائها الرخو ولايعرف علي لاانهي اسس تكونت  ) , في ائتلافات شاركت وائتلافات رفضت وهاجمت الحوار وبالتالي الصورة اللي المجلس عايزها توصل للميديا حصلت ووصلت ان هما دول شباب الثورة و انهم مبيعرفوش يتحاورو وبيتخانقو وبتوع صوت عالي , و من ناحية تانية الاخبار في الاعلام عن قوانين للتنظيم الاعلام(رقابة يعني من الاخر ),الخبر الافجع بقي عن الانترنت و كلام عن قانون للتنظيم نشر علي النت نوع اخر من الرقابة ولكن علي اعلام ااكثر جرأة وحرية و تفاعل بقوة منذ ارهاصات الثورة والتغيير منذ فترة من قبل ,25 يعني لما في نفس اليوم تسمع عن خبرين عن تكميم الافواه المحتمل و لما نضيف ليهم المهزلة اللي حصلت من الامن مع احتجاجات الفلاحيين امام مجلس الوزراء من يومين واعتقال 10 افراد منهم وتوجيه لهم تهم مضحكة من نوعية حيازة سلاح خشبي و دا غير انهم طبقو قانون الارهاب علي محتجيين  و لو ضيفنا كمان عودة الداخلية للوساختها وافلات الامني المقصود وعمايات تعذيب اللي حصلت لكذا مواطن في الاسبوعيين اللي فاتو اشهرهم صاحب حادثة قسم الازبكية.

لما يتحط دا كله جنب بعده يعطينا تخيلات لل25  يناير  2012
مش كويسة ويا خوفي بدل ما يكون احتفال بمرور سنة علي بداية الثورة انه يبقي يوم احتجاجي  علي ممارسات الداخلية وقرارت الحكومة البتنجانية و نكتشف اننا ضيعنا 365 يوم حرق اعصاب علي الفاضي.

زي ما قولت في بداية التدوينة ان التوقع لاكثر من يوم في ظل حالة التقلب الثورية صعب و ان شاء الله القوي الثورية للشارع تنشط تاني زي ما نشطت يوم 27 واثبت ان الشارع هو اللي بيحشد و بيتكلم باسمنا,ولتسقط كل القوي السياسية اللي بتتخانق علي التورتة وهي عبارة عن مكونات لم تدخل الفرن حتي ,وسجال الاجوف بتاع الدستور وانتخابات  والدوامة ديه,القوي السياسية الي مشوفتاش حد منها بيكلم بقوة عن المعتقليين في السجون العسكرية غير بعد ما ناس صوتها اتنبح علي التويتر وفي المدونات,الثورة قامت بالاساس من اجل الكرامة والحرية والعدالة الاجتماعية فلماذا تتصارعو علي اشياء هي وسائل و ادوات للحقوق لم نتمكن منها, الشارع لنا.

مش ناسين التحرير يا ولاد الوسخة

بعد الاحداث الواقعة مساء اليوم عند قسم الازبكية لم اجد جملة اوصف بها مشاعري تجاه الحدث و وزارة الداخلية,
غير مدخل اغنية التراس الوايت نايتس الجديدة عن الداخلية" مش ناسين التحرير يا ولاد الوسخة "حقيقي كلمة معبرة و منجزة,
مع تضارب الروايات حتي الان يوجد روايتان اساسيتان ,الاولي هي رواية الشرطة و بيقولو فيها ان السائق تعدي علي المأمور وراح المواطنون استفزهم الموقف وانهالو عليه ضرب حتي مات وبعد كدا راحو بيه علي القسم  , كمية الهجص و الفسي اللي في رواية الشرطة مبدأئيا رهيبة ,يعني  من امتي كان مأمور القسم بينزل الشارع عشان يشوف الرخص  بنفسه امال امناء شرطة اللي معاه بيعملو ايه,هنصدق رواية ان السائق هو اللي غلطان وهو اللي ضرب المأمور وهل من مفروض لما المواطنون يسخنو ويضربو السائق الضباط يقفو يتفرجو عادي كدا,كمان مواطنين ميين اللي يضربه واحد لغاية الموت دي ناس معمالتهاش ايام اللجان الشعبية لما كانت بتقفش بلطجية هيعملوها مع سائق؟!
نيجي للرواية الشهود اللي هي منطقية اكتر و اكثر واقعية بناء علي معاناة الشعب مع كلاب الداخلية,ان الظابط هو اللي شتم السائق
و سواق مرضيش بالاهانة وردله الاهانة وطبعا الكلام اللي مع المأمور مستحملوش يشوفه الاله بتاعهم بيتشنتم والسواق اتشد علي القسم
واتعذب للغاية ما مات,الراوية دي اقرب للواقع  طبعا لان حصل زيها كتير قبل كدا ,لكن بافتراض ان احنا مش متأكدين تماما من الروايتين لكن الحقيقة الراسخة في الموضوع ا فيه بني ادم مات ,لو مشينا مع الرواية الاولانية ان المواطنين العاديين اللي في شارع هما الي ضربه السائق و الشرطة كانت واقفة بتعمل اه؟! وهي شايفة مواطن بيموت واقفين بيتفرجو؟ معلش يعني لو ظابط مش عارف يحمي مواطن ميبقاش ظابط اصلا و المضحك قال ايه في الاخر ودو جثته علي القسم دا علي اساس ان القسم دا اللي بيغسله في الاموات مثلا ؟

من الواضح ان رواية الشرطة الرسمية مفيهاش ريحة المنطق ,نيجي للرواية الشهود اللي هي اقرب للحقيقة ان هو راجل مرضيش يسكت علي الاهانة ورد علي ظابط واتشد علي قسم ومات من كتر تعذيب,من الواضح ان الاثر النفسي لليوم 28 معلم فيهم اوي ولسة شايلين من شعب ,زطبعا مش من سهل انك تقول لواحد سادي ان الهيلامان بتاع ميتين اهلك انتهي,وان مفيش عصر باشوات وانك مجرد واحد بيطبق القانون,الواضح انهم بيصفو حسابهم مع الشعب بالطريقة دي مش اول حادثة في كام حادثة برضه في اخر 10 ايام

من الاخر كدا منصور العيسوي دي ميصلحش ومينفعشي حتي الان ماسك الوزارة ولا عارف يسيطر عليها ,لازم يحصل تغيير جذري في الشرطة يمسكها حاليا واحد حازم ويحصل عملية تطهير للمراكز القوي اللي في الوزارة اتباع العادلي والضباط المتهمين في دم الشهداء كلهم يتوقفو عن العمل لغاية متخلص القضايا ولازم يحصل تغيير في عقيدة والروية بتاعة الشرطة من اول كلية شرطة قواعد الدخول ليها و المحتوي اللي بيعلمه للضباط جوا ,لو محصلش كدا واستمر الاداء اللي هما ماشين عليه حاليا يبقي متتفاجئوش لما تلافي عمليات انتقام من المواطنين ضد الشرطة ومش هترحم حد .

لازم من هنا ورايح دم المصري وكرامته يبقي خط احمر, وبالنسبة للحلوين اللي هيقعدو يبررو للشرطة ولازم هيبتها ترجع بالقوة و سواقين دول بلطجية وميجوش معلهم غير العنف (ستظلو مع الرصين للابد)

دا الفيديو بتاع الوايت نايتس للي مشافوش
عاش الالتراس وكأنهم كانو حاسيين باللي هيحصل

عفاريت التقسيم

قدام انا عملت مدونة يبقي لازم اكتب تدوينة عن عفاريت التقسيم,العفاريت اعتقد الشئ الوحيد اللي املكه في حياتي حاليا وافخر بييه
لما يبقي عندك 19 سنة ورفاق عمرك عايش معاهم ووسطيهم حوالي 15 سنة يعني من الاخر كدا هما اللي مسيطريين علي حياتي
يعني عايشين يوميا مع بعض منKG1 ,دمتم لي رفاق ودمتم لكم شقيق.

وعلي راي الملك مجمد منير(علموني اعشق صحابي وانسي وياهم عذابي والغريب لو دق بابي يرتوي من نبع صافي)

اول تدوينة

دي اول تدوينة ليا علي مدونة اللي انا لسةعاملها  في ظل سقف الحرية اللي عاملي ينخفض وجود حكم العسكر
اللي مليان بلاوي اخرها استدعاء ريم ماجد وحسام الحملاوي امبارح للنيابة العسكرية
وفي ظل وجود كثير من ثوار معتقليين عسكريا
يا رب استر وخلس العسكر يغورو نهاردة قبل بكرة